Biz birgemiz: elordalyq volonterler 100 otbasyna kómektesti
NUR-SULTAN. QazAqparat – Nur-Sultan qalasynda «Biz birgemiz» aktsııasy jalǵasyp jatyr. Volonterler qataryna engen Medıtsınalyq-tehnıkalyq kolledjdiń stýdentteri kópbalaly ana Sulýshash Turlannyń aýlasyn qardan tazartýǵa kómektesti, dep habarlaıdy QazAqparat.
Elorda ákimdiginen málim etkendeı, volonterler shtaby aktsııa aıasynda jyl basynan beri 100 otbasyǵa kómek kórsetti.
Volonterlerdi qabyldaý jumystary qazirgi kezde 7 baǵyt boıynsha júrgizilýde:
- «Saýlyq» jobasy aıasyndaǵy medıtsınalyq volonterlik – naýqasty kútýge kómek kórsetý;
- «Taza álem» jobasy – qorshaǵan ortany qorǵaý, ózender men ormandardy tazalaý, aǵash otyrǵyzý, qoqysty suryptaýǵa úıretý;
- «Asyl Mura» jobasy – halqymyzdyń materıaldyq jáne rýhanı mádenı-tarıhı murasyn saqtaýǵa volonterlerdi tartý;
- «Qamqor» jobasy qarttar úılerindegi eriktilerdiń jumysyna baǵyttalǵan; - «Bilim» jobasy – aýyldyq mektepterdiń joǵary synyp oqýshylaryna UBT-ǵa daıyndyq, aǵylshyn tili men kompıýterlik saýattylyqqa oqytý boıynsha volonterlik kómek.
- «Úmit» jobasy – Ekinshi dúnıejúzilik soǵystaǵy jeńistiń 75 jyldyǵyna oraı otandastarymyz týraly baıandaıtyn qujattardy izdeýge baǵyttalǵan.
