#Biz birgemiz!: Almatyda jalǵyz basty qart adamdar ystyq tamaqpen qamtamasyz etiledi
ALMATY. QazAqparat – Elbasy N.Á. Nazarbaevtyń tapsyrmasy boıynsha partııalyq jobalardyń aıasynda 18 naýryzdan bastap «#Biz birgemiz!» aktsııasy bastaldy.
Qazirgi ýaqytta «Nur Otan» partııasynyń Almaty qalalyq fılıaly 1000-nan astam adamǵa kómek kórsetti, dep habarlaıdy QazAqparat tilshisi.
Karantın kezeńinde egde jastaǵy jalǵyzbasty adamdarǵa azyq-túlik satyp alý jáne tamaq daıyndaý qıyndyq týdyrady. Osyǵan qaraı, «#Biz birgemiz!» aktsııasy men «Ardagerlerdi ardaqtaıyq» partııalyq jobasynyń aıasynda «Nur Otan» partııasynyń Almaty qalalyq fılıaly, Almaty qalasynyń ákimdigi jáne Nomad MMA Qazaqstan respýblıkalyq federatsııasy búginen bastap 90 jastan asqan jalǵyz basty qart adamdardyń úıine tegin ystyq tamaq jetkizýdi qolǵa aldy.
«Elimiz úshin týǵan qıyn sátterde Elbasy Nursultan Nazarbaev pen Memleket basshysy Qasym-Jomart Toqaevtyń turǵyndardy qoldaý boıynsha shaqyrýyna biz – NOMAD MMA Federatsııasy, Qazaqstandyq MMA aralas jaýyngerlik jekpe-jegi boıynsha birikken federatsııasy jáne Qazaqstannyń jaýyngerlik óner qaýymdastyǵymen birlese otyryp «#Biz birgemiz!» aktsııasyn qoldaý maqsatynda karantın bitkenshe 90 jastan asqan barlyq jalǵyz basty qart adamdardy kún saıyn ystyq tamaqpen qamtamasyz etý isine óz úlesimizdi qosaıyq dep sheshtik. Qazir bul adamdarǵa kómek qajet, olar tamaq daıyndaýǵa shamasy joq. Biz kómek qajet bolǵan kezde shet qalmaımyz jáne barlyq kúsh - jigerimizdi jumsaımyz», - dedi Nomad MMA Respýblıkalyq Federatsııasynyń prezıdenti Gadjı Gadjıev.
Sonymen qatar, ol sportshylardy jas urpaqty otansúıgishtik rýhta tárbıelep, salt-dástúrimizdi saqtap, aǵa býynǵa qurmet pen qamqorlyq jasaýdy úıretý kerektigin aıtty.
«Bizdiń «Jas Otan» jastar qanatynyń eriktileri kún saıyn kómekti asa qajet etetin az qamtylǵan azamattarǵa kómek kórsetip júr. Arnaıy shotqa qarajat bólgen bizdiń kásipkerler de shet qalmaı, ózderiniń qomaqty úlesterin qosýda. Biz osy qıyn-qystaý ýaqytta barlyq azamattardy birigip, bir-birimizge kómektesýge shaqyramyz. Biz birgemiz!», - dedi Mádı Ahmetov, «Jas Otan» JQ Almatylyq fılıalynyń tóraǵasy.
Atalǵan aktsııa aıasynda kún saıyn karantınniń sońyna deıin 400-den astam qart adamdy ystyq tamaqpen qamtamasyz etý josparlanǵan.
