Biz birgemiz: Almatyda beıbit mıtıng ótip jatyr
ALMATY. QazAqparat - Almatyda «Biz birgemiz» uranyn tý etken beıbit mıtıngke myńdaǵan adam qatysty, dep habarlaıdy QazAqparat tilshisi.
Alańǵa shyqqandar qoldaryna «Bizdiń kúshimiz - birlikte», «Ekstremızmge jol joq», «Biz soǵysqa qarsymyz», «Arandatýshylarǵa jol joq» degen transparant ustap júr.
«Biz ardagerler, Prezıdenttiń tapsyrmalary oryndalyp jatqanyn aıtqymyz keledi: kópbalaly analarǵa kómek, nesıe qaryzdaryn keshirý, bunyń barlyǵy alǵa jyljýdy kórsetedi», - dedi «Nur Otan» ókili, Qarýly kúshter ardageri Kım Serikbaev.
Bilim berý salasynyń ardageri Tamara Shákirova qaı saladaǵy progress bolýy úshin qolda qarý bolmaýy tıis ekenin aıtty.
«Men ana jáne áje retinde, kópultty Qazaqstannyń azamaty retinde bizde beıbitshilik bolǵanyn qalaımyn. Men osy mıtıngke bir maqsatpen keldim. Qoǵam qaıratkerleri ne aıtar eken? Sony estýge keldim», - dedi ol.
Qalalyq qoǵamdyq keńes múshesi Aısulý Ernııazova syn pikir aıtatyn jastarǵa oı bildirdi.
«Ókinishke oraı, áleýmettik jelilerde «dıvan batyrlarynyń» sany artyp keledi. Men osy turaqtylyqty laık pen haıp úshin qurban etýge daıyn turǵan zamandastaryma ishim ashıdy. Oıanǵandar qazir qaıda? Zeınetkerler men kópbalaly analarǵa áleýmettik járdem beretin bir baǵdarlama jasamaı ma? Bizdiń eriktiler eki táýlik ishinde 150 tonna tsement tasyp Arysty qalpyna keltirýge tyrysty. Áleýmettik jelilerde «qazaqkóktem» heshtegin taratqan azamattar bárimiz otyrǵan qaıyqty shaıqap jatqanyn túsinbeıdi», - dedi ol.
