Biz birgemiz: Almaty oblysynda 255 mln teńgeniń kómegi kórsetildi
Naýryz aıynda elimizde koronavırýs indetine baılanysty tótenshe jaǵdaıdyń oryn alýyna baılanysty Elbasynyń bastamasymen «Biz Birgemiz» aktsııasy bastaý aldy. Shara aıasynda Jetisýdyń volonter jastary da bilek sybana jumys istep, muqtaj azamattarǵa qajetti azyq-túlik, antıseptıkalyq quraldarmen qamtýda kómek qolyn sozyp, sonymen qatar, Maqtaaral aýdanyna da baryp kómek kórsetti.
«Biz Birgemiz» respýblıkalyq aktsııasy boıynsha aǵymdaǵy jyldyń 19 naýryzy men 22 maýsym aralyǵynda partııanyń aımaqtyq jáne aýmaqtyq fılıaldary tarapynan, «Jas Otan» jastar qanatynyń jastary men eriktileri partııanyń «Baqytty otbasy», «Ardagerlerdi ardaqtaıyq» jáne «Kedergisiz keleshek» jobalary aıasynda partııa músheleriniń, ár deńgeıdegi máslıhat depýtattarynyń qoldaýymen eseptik kezeńde 24 440 adamǵa 255 mln teńge kóleminde arnaıy azyq-túlik jáne jeke gıgıena zattary, antıseptıkalyq quraldar, medıtsınalyq maskalar satyp alynyp, muqtaj jandarǵa tegin berildi.
