Biz birgemiz: Aqmolalyq kásipker áıel 3 myń maskany kópbalaly otbasylarǵa tegin úlestirdi
Kúlli álemge taraǵan qaterli vırýs, ókinishke oraı bizdiń elimizdi de aınalyp ótpedi. Osyndaıda el azamattarynyń bir jaǵadan bas, bir jeńnen qol shyǵaryp bir-birine kómek kórsetýi asa qajet. Sondaı jandardyń biri-Kókshetaý qalasynda turatyn jeke kásipker, «Qarlyǵash» balabaqshasynyń, «Chaıka» balalar lageriniń meńgerýshisi, Nur Otan partııasynyń múshesi, oblystyq isker áıelder qaýymdastyǵynyń múshesi Dına Nurmaqanova.
Ol #BizBirgemiz #NurOtan jobasy sheńberinde «Aqaı» tigin atelesine óziniń 1,2 mıllıon teńgesine 3 myń medıtsınalyq maska tikkizip, ony volonterlerdiń kómegimen kópbalaly muqtaj otbasylarǵa tegin úlestirdi.
«Elimiz úshin osyndaı qaýyrt shaqta muqtaj jandarǵa kómek qolyn sozý meniń azamattyq ustanym. Biz osy kezde úlken jaýapkershilik tanytyp, judyryqtaı jumyla bilýimiz kerek. Biz birikken kezde ǵana myqty bolamyz», - deıdi Dına Nurmaqanova.
