Biz birgemiz: Aqmola oblysynda assambleıa músheleri muqtaj jandarǵa kómektesýde
Aqmola oblysyndaǵy «Vıdergebýrt» nemister qoǵamy» qoǵamdyq birlestigi jyl saıyn «Vozrojdenıe» respýblıkalyq qory tarapynan bólinetin grantty júzege asyryp keledi.
Qazaqstan halqy Aqmola assambleıasynyń múshesi Svetlana Korneeva basqaratyn etnomádenı birlestiktiń nemisterdiń tilin, mádenıeti men dástúrlerin damytýǵa, halyqtyń áleýmettik osal toptaryn qoldaýǵa baǵyttalǵan áleýmettik, bilim berý jáne mádenı jobalardy iske asyrý boıynsha úlken jumys tájirıbesi bar.
Qazirgi ýaqytta bólingen grant aıasynda etnomádenı birlestik 10 jobany júzege asyrady, onyń ishinde balalarǵa nemis tilin úıretý, «Nemis tili muǵalimi» mamandyǵy boıynsha stýdentterdi oqytý, «Výnderkınd» mektepke deıingi bilim berý ortalyǵynyń qyzmeti, etnos dástúri men ádet-ǵurpyn nasıhattaý, jastar qozǵalysyn damytý baǵyttary bar.
Bilim berý, mádenı jobalarmen nemis ultynyń tulǵalary ǵana emes, basqa da etnos ókilderi qamtylǵan. Barlyǵy - 3500-den astam adam. Onda áleýmettik jaǵynan az qamtamasyz etilgen azamattarǵa medıtsınalyq, psıhologııalyq kómek kórsetýge, jalǵyz basty qart adamdardy qoldaýǵa, olarǵa dári-dármek alýǵa, muqtajdardy azyq-túlikpen qamtamasyz etýge, eńbekkerlerge kómek kórsetýge baǵyttalǵan «Muqtaj azamattardy áleýmettik-gýmanıtarlyq qoldaý» jobasy mańyzdy oryn alady.
«Elimizde karonovırýs pandemııasy qaýpine baılanysty tótenshe jaǵdaı engizildi. Sondyqtan «Vıdergebýrt» qoǵamdyq birlestigi «Biz birgemiz» uranymen halyqtyń áleýmettik jaǵynan osal toptaryna, múgedekterge, qart azamattarǵa, sozylmaly aýrýlary bar adamdarǵa kómek kórsetý qyzmetin jandandyrdy. Naýryzdyń 30-daǵy jaǵdaı boıynsha osy sanattaǵy adamdarǵa koronavırýs ınfektsııasynan jeke qorǵaný quraldary bar 20 medıtsınalyq paket úlestirildi», - deıdi Kókshetaýdaǵy «Qoǵamdyq kelisim» mekemesiniń baspasóz qyzmetindegiler.
