Biz birgemiz: Aqmola oblysynda 8 myń azamatqa kómek kórsetildi

KÓKShETAÝ. QazAqparat - «Biz birgemiz» respýblıkalyq aktsııasy aıasynda 8075 azamatqa azyq-túlik túrinde kómek kórsetildi, dep habarlaıdy QazAqparat tilshisi «Nur Otan» partııasy oblystyq fılıalynyń baspasóz qyzmetine silteme jasap.

Vedomstvonyń málimetinshe, aktsııa sheńberinde mobıldik top halyqtyń áleýmettik-osal toptaryna azyq-túlik taýarlary men gıgıenalyq zattardy jetkizip jatyr.

Máselen, aǵymdaǵy jyldyń 19 naýryzy men 17 mamyr aralyǵynda 8075 azamatqa azyq-túlik túrinde kómek kórsetilgen.

Sondaı-aq, halyqtyń áleýmettik-osal toptaryna jatatyn 8005 adam 7 sanat boıynsha «Biz birgemiz» qory arqyly 50 myń teńge kóleminde bir rettik materıaldyq kómek aldy.

«Qazir kezde shtab jumysy odan ári jalǵasýda. Kún saıyn volonterler «Esikten esikke deıin» qaǵıdasy boıynsha azyq-túlik salynǵan paketti muqtaj jandardyń úılerine jetkizýde», - deıdi partııa fılıalynyń baspasóz qyzmetindegiler.