Biz birgemiz: Aqmola oblysynda 4057 otbasy azyq-túlikpen qamtamasyz etildi
Partııa fılıalynyń Facebook jáne Instagram áleýmettik jelilerindegi resmı paraqshalarynda elimizdegi tótenshe jaǵdaıǵa baılanysty azamattarǵa memleket jáne oblystyq ákimdik tarapynan kórsetilip jatqan kómekter men partııanyń «Biz birgemiz!» aktsııasy týraly tolyqqandy aqparat berildi.
Tikeleı efırdi 650-den astam adam kórip, turǵyndar tarapynan 400-den astam suraq joldandy. Turǵyndardyń ótinishteri nazarǵa alynyp, basym kópshiligine naqty jaýap berildi. Ásirese, 42500 teńgeni alý, áleýmettik kómekterge qatysty suraqtar kóp boldy. Sonymen qatar «Birgemiz» qoǵamdyq qorynan beriletin 50 myń teńge kólemindegi bir jolǵy materıaldyq kómekke baılanysty suraqtar da kóptep qoıyldy. Tikeleı efır barysynda blokposttan ótý máselesin kótergender de boldy. Jer alý, páter kezegine turý suraqtary da qoıyldy.
«Tikeleı efır barysynda «Nur Otan» partııasy Aqmola oblystyq fılıaly tóraǵasynyń birinshi orynbasary Ǵalym Bekmaǵambetov qoıylǵan ár saýalǵa naqty jaýaptar berip, keıbir mańyzdy suraqtardy óziniń jeke baqylaýyna aldy.
Suraqtardyń basym bóligi memleket tarapynan beriletin álýemettik kómekter, 42500 járdemaqysy jáne 15000 kommýnaldyq tólemaqy, «Biz birgemiz!» aktsııasy aıasyndaǵy azyq-túlik jáne 50 myń teńge materıaldyq kómekteri týraly boldy», - deıdi «Nur Otan» partııasy Aqmola oblystyq fılıalynyń baspasóz hatshysy Dınara Dúısenova.
Jalpy «Nur Otan» partııasynyń «Biz birgemiz!» aktsııasy aıasynda Aqmola oblysy boıynsha 4057 otbasy azyq-túlikpen qamtamasyz etilgen. Bul rette óńirdiń kásipkerleri men máslıhat depýtattary, erikti jastar, aýdan ákimdikteri, «jasotandyqtar» jáne partııa ókilderi aıryqsha belsendilik tanyty.
Elbasy, «Nur Otan» partııasynyń tóraǵasy N.Nazarbaevtyń bastamasymen qurylǵan «Birgemiz» qoǵamdyq qory arqyly Kókshetaý qalasynyń 2930 turǵyny 50 myń teńgeden materıaldyq kómek aldy.
Elimizdegi tótenshe jaǵdaıǵa baılanysty partııanyń oblystyq jáne aýmaqtyq fılıaldary turǵyndardyń aryz shaǵymdaryn onlaın qabyldaýda.
