«Biz birgemiz» aktsııasyna 50 myńǵa tarta azamat ún qosty
«Jalpy, Astana jastary» jastar resýrstyq ortalyǵynda Volonterlar jyly aıasynda Volonterlar shtaby ashylǵan bolatyn. Ol shtabta 200-ge tarta belsendi volonterimiz bar. Sol qyzdar men jigitterdiń bastamasymen qańtarda ózińiz biletindeı «Biz birgemiz» aktsııasy bastalǵan edi. Ol aktsııamyzdyń aıasynda elimizge belgili juldyzdar Tursynbek Qabatov, Ashat Sadyrbaı jáne «Jaıdarman» jastary bizdi qoldaǵan bolatyn», - dedi «Astana jastary» jastar resýrstyq ortalyǵy basshysynyń orynbasary Aqerke Aqtaı.
Onyń aıtýynsha, aktsııa jastar tarapynan úlken qoldaýǵa ıe bolyp, qazirgi ýaqytta bastamaǵa 50 myńǵa jýyq adam ún qosqan.
««Biz birgemiz» aktsııasynyń maqsaty – kópbalaly ana nemese jalǵyzbasty analar men qarttarǵa, múmkindigi shekteýli jandardyń úılerine kelip, aýlasyn qardan tazartyp, kómegimizdi berý. Aktsııa bastalǵaly elordadaǵy jas jigitter men qyzdar 200-ge tarta úıge baryp, kómek kórsetti. Shara aıasynda 48 myń tekshe metr qar shyǵaryldy. ıAǵnı, mundaǵy maqsat – halyq arasynda jaqsylyq jasaýdan jarysyp, kómekti qajet etetin adamdarǵa qoldaý bildirý. Sondyqtan, búkil halyqty osy bastamaǵa qosylýǵa shaqyramyz», - dedi ol.
Osylaısha, búgin de 25 volonter jalǵyzbasty ana men qart ájeniń úıine baryp kómegin kórsetti. Astanada bıyl qardyń qalyń túskeni belgili. Sondyqtan erikti jastar bul jumysyn toqtatpaı, óz qatarlastaryn jaqsylyq jasaýǵa shaqyrady.
Aıta keteıik, elorda jastary áleýmettik jelide qar kúreý chellendjin bastap , elorda eriktilerin Memleket basshysy Qasym-Jomart Toqaev ta qoldaǵan bolatyn.
