«Biz birgemiz» aktsııasy aıasynda elorda turǵyndaryna kómek kórsetilýde

NUR-SULTAN. QazAqparat - Nur-Sultanda «Biz birgemiz» aktsııasy jalǵasyp jatyr. Volonterler álemettik jaǵdaıy tómen jáne kóp balaly otbasylarǵa, sondaı-aq múmkindigi shekteýli jandarǵa azyq-túlik sebetterin jetkizýde, dep habarlaıdy QazAqparat elorda ákimdiginiń resmı saıtyna silteme jasap.

«Bizde kún saıyn shamamen 20-30 mekenjaı josparlanady. Biz muqtajdarǵa azyq-túlik qana emes, gıgıenalyq quraldar – dymqyl maılyqtar, maska men antıseptık te jetkizip beremiz», - deıdi erikti Ál-Farabı Aımaq.

Búgin Nur-Sultan qalasy ákiminiń keńesshisi Dáýren Babamuratov áleýmettik jaǵdaıy tómen jáne múgedek jandardy baǵyp otyrǵan otbasylarǵa 50 sebet jetkizilgenin atap ótti. Azyq-túlik sebetteri demeýshiler kómegimen daıyndalǵan.

«Biz birgemiz» aktsııasy aıasynda Nur-Sultan qalasyndaǵy áleýmettik jaǵdaıy tómen otbasylarǵa azyq-túlik sebetin jetkizý jumysy jalǵasyp jatyr. Bizdiń volonterler karantın kezinde barlyq saqtyq sharalaryn saqtaı otyryp (úıge kirmeı, sebetterdi úı syrtynda qaldyra otyryp), jumysty jalǵastyrady», - deıdi Dáýren Babamuratov.

Elorda turǵyndary qala ákimdigi men eriktilerge kórsetken kómegi úshin alǵys aıtty.