Biz «Bir halyq, bir el, bir taǵdyr» ıdeıasyn qoldaımyz - QR ázirbaıjan mádenıet ortalyqtary odaǵynyń prezıdenti
«Otandastarymdy jáne Elbasymyz Nursultan Nazarbaevty Qazaqstan halqynyń birligi kúnimen shyn júrekten quttyqtaımyn. Búgingi kún bizge berilgen taǵdyrdyń syıy, sondyqtan dál búgin biz ortaq otanymyz - Qazaqstanǵa degen ystyq sezimimizdi arnaımyz. Elbasymyz aıtqandaı, biz bir halyqpyz, bir elmiz, bir taǵdyrmyz. Bizdiń elimizde barlyq ult ókilderi teń, barlyq ulystyń mádenıeti damýda. Osynyń arqasynda biz óz dástúrimizdi, tilimiz ben dinimizdi óristetip otyrmyz. Bul túrli ulttardyń dostyǵy «qazaqstandyq halyq» degen ortaq atqa ıe ádemi gúl destesi ispettes, - deıdi Vıdadı Salahov.
Onyń aıtýynsha, Qazaqstan halqynyń birligi kúnin týystarymen jáne dostarymen dastarqan basynda atap ótý dástúrge aınalǵan. «Biz jańa ǵana «Qazaq eli» monýmenti alańynan kelip jatyrmyz. Qazir týys-týǵandar, dos-jarandar qonaqqa keledi. Sosyn barlyǵymyz dastarqan basyna otyryp, toılaımyz, óıtkeni bul biz úshin eń mańyzdy merekelerdiń biri», - dep qosy ol.
V. Salahovtyń aıtýynsha, Ázirbaıjan mádenıet ortalyǵy búgin qaıyrymdylyq sharasyn ótkizedi. Olar balalar úılerine, qarttar úıine, Otan soǵysy ardagerleriniń úılerine baryp, merekelerimen quttyqtap, syılyqtar tapsyrýdy josparlap otyr.
