Biz Belarýsta ótken prezıdenttik saılaý qorytyndylary jónindegi TMD mıssııasynyń jaqsy baǵasyn qabyldaımyz - BR SІM baspasóz hatshysy A.Savınyh
MINSK. 24 jeltoqsan. QazAqparat /Aıtýar Mamlın/ - Belarýs Respýblıkasynda halyqaralyq uıymdardyń usynystaryna sáıkes saılaý zańnamalary men quqyq qoldaný úderisterin jetildirý boıynsha aýmaqtyq jumystar atqaryldy.
Bul týraly Mınskide beısenbi kúni ótken brıfıng barysynda Belarýs Respýblıkasy Syrtqy ister mınıstrliginiń baspasóz hatshysy Andreı Savınyh málim etti.
Bul ózgerister saılaý úderisiniń ádil ótýi men prezıdenttikke úmitkerlerdiń barlyǵyna teń jaǵdaı jasaý úshin qolǵa alynǵan.
«Belarýs tarapy TMD, EQYU men osy uıymdarǵa múshe memlekettiń barlyǵyn saılaýdy baqylaýǵa der kezinde shaqyrdy. Sonymen qatar biz halyqaralyq baqylaýshylardyń sanyna da, olardyń elde bolý merzimine de eshqandaı shekteý qoımadyq», - dep atap ótti A.Savınyh.
Saılaýdy ótkizýge daıyndyq barysy men saılaýdyń ótýin TMD, EQYU men parlamenttik qurylymdardan kelgen 1000-nan astam halyqaralyq qadaǵalaýshylar baqylady.
«Biz prezıdentik saılaý qorytyndylary jónindegi TMD mıssııasynyń jaqsy baǵasyn qabyldaımyz», - deıdi baspasóz hatshysy.
