Biz baýyrlas Qazaqstanǵa qol ushyn sozýǵa qashan da daıynbyz - Túrkııanyń Memlekettik mınıstri
sp;ASTANA. Qarashanyń 17-si. QazAqparat /Aıdar Ospanalıev/ - Búgin Astanada Qazaqstan men Túrkııa arasyndaǵy ekonomıkalyq yntymaqtastyq jónindegi úkimetaralyq komıssııanyń otyrysy ótýde,
dep habarlaıdy QazAqparat.
Otyrysta jýrnalısterge arnaıy suhbat bergen Túrkııanyń Memlekettik mınıstri Farýk Chelıktiń aıtýynsha, Qazaqstan men Túrkııa ókilderi búgin úkimetaralyq komıssııa aıasynda 6-shy ret kezdesip otyr.
«Barshaǵa málim úkimetaralyq komıssııanyń otyrysy 2008 jyly Ankarada ótken bolatyn. Eki eldiń májiliske jınalǵan delegatsııa ókilderi qazirdiń ózinde jumystaryn jalǵastyrýda. Olar kólik, energetıka, aýyl sharýashylyǵy, densaýlyq saqtaý sııaqty túrli salalar boıynsha kóptegen máseleler tóńireginde ózara pikir almasýda. Al erteń biz osy otyrystyń qorytyndysy boıynsha arnaıy hattamaǵa qol qoıamyz», dedi Túrkııa ókili.
Onyń sózine qaraǵanda, Qazaqstan men Túrkııa arasyndaǵy qarym-qatynastar qarqyndy damyp keledi. Búginde eki eldiń arasyndaǵy saýda-ekonomıkalyq baılanystardy jetildirýge qajetti zańnamalyq múmkindikterdiń barlyǵy bar. «Al Qazaqstan basshysynyń Túrkııada bolǵan sońǵy saparynda memleketterdiń strategııalyq áriptestik jónindegi kelisimine qol qoıylǵan bolatyn. Búgin Qazaqstannyń Týrızm jáne sport mınıstriniń qatysýymen ótken májilis barysynda biz bir-birimizge óte qajetti pikirlermen almastyq. Bul turǵyda bizdiń elimiz qazaqstandyq áriptesterimen óziniń tájirıbesimen bólisýge qashan da daıyn ekendigin aıta ketý kerek. Biz baýyrlas Qazaqstanmen yqpaldasýǵa daıynbyz. Bul rette biz ásirese qorǵanys, medıtsına salasyndaǵy ónerkásipti damytý, teńiz kólikteri salasyn jetildirýge erekshe yqpal ete alamyz. Sondaı-aq biz osy eldegi ónerkásip aımaǵyn qalyptastyrý máseleleri boıynsha tájirıbemizben bólissek degen oıdamyz», dedi Túrkııa mınıstri.
