Biz barlyq ruqsat berý qujattaryn bir zańǵa jınaqtadyq - «Atameken» odaǵy
ASTANA. 20 sáýir. QazAqparat - Búgingi tańda biz barlyq ruqsat berý qujattaryn bir zańǵa jınaqtap shyqtyq. QazAqparat tilshisine suhbat bergen «Atameken» odaǵy» ulttyq ekonomıkalyq palatasynyń basqarma tóraǵasy
Abylaı Myrzahmetov osylaı aıtty.
«Bizde lıtsenzııalaý jáne ruqsat berý júıesi árbir mınıstrliktiń salalyq zańdarynda jáne taǵy basqa ortaq zańnamalarda bar. Elbasy osynyń bárin bir zańǵa jınaqtaýdy tapsyrdy. Osy másele áli kúnge deıin oryndalmaı keledi. Osyǵan oraı, búgingi tańda «Atameken» odaǵy zań jobasynyń tujyrymdamasyn ázirlep qoıdy. Osy aıdyń sońynda Úkimette qujattyń tanystyrylymyn jasaýdy josparlap qoıdyq. Negizgi mindet - barlyq ruqsat berý qujattaryn bir zańǵa jınaqtaý. Ol zańda ruqsat berý qujattarynyń naqty tizimi bolýy shart. Sodan bólek ruqsat berýdi qamtıtyn barlyq zańdarǵa moratorıı jarııalaý qajet. Mine, sonda ǵana sheneýnikter ruqsat berý qujattarynyń sanyn qoldan kóbeıte almaıdy. Úkimetten keıin biz atalǵan zańdy Parlament Májilisine engizýdi kózdep otyrmyz», - deıdi A.Myrzahmetov.
