Biz báribir Prezıdent ókilettigin uzartý jónindegi referendýmdy ótkizemiz dep oılaımyn -Aıtkúl Samaqova
ALMATY. 10 qańtar. QazAqparat /Erbol Turymbetov/ - Búginge deıin Prezıdent ókilettigin uzartý jónindegi referendým ótkizý bastamasyn qoldap, 3 mıllıonnan astam qazaqstandyq qol qoıdy.
Sondyqtan, biz báribir referendýmdy ótkizemiz dep oılaımyn. Búgin QR Parlamenti Májilisiniń depýtaty Aıtkúl Samaqova Almatyda ótken «Nur Otan» HDP Medeý aýdandyq fılıalynyń eseptik-saılaý konferentsııasynda osylaı aıtty.
«Ózderińizge belgili, Elbasymyz referendým ótkizýdi qoldamaıtyndyǵyn bildirdi. Alaıda, bizder, QR Parlamenti Májilisiniń depýtattary Elbasymyzdyń óz isin ári qaraı jalǵastyra berýin qalaımyz. Prezıdentimizben birge áli talaı jetistikterge jetemiz dep oılaımyz», - dedi A. Samaqova.
QR Parlamenti Májilisiniń depýtaty sózin QR Ulttyq ǵylym akademııasynyń prezıdenti Murat Jurynov ta qostady. «Elbasymyz Nursultan Ábishuly Keńes Odaǵy zamanynda da belgili tulǵa bolatyn. Sol bedelin keıin de joǵaltqan joq. Qazirgi tańda Elbasynyń ókilettigin 2020 jylǵa deıin uzartý týraly referendým ótkizý eń tıimdi jol dep sanaımyn. Qazaqstandyqtar da bul bastamany tolyqtaı qoldap otyr», - dedi ǵalym.
