Biz Azııa oıyndarynda sportshylarymyzǵa tek jeńis tileımiz - E.Tarasenko, Májilis depýtaty
ORAL. 18 qańtar. QazAqparat /Eljan Eraly/ - Elimizdiń bas qalalary Astana men Almatyda ótetin 7-Qysqy Azııa oıyndarynyń ashylýyna az ǵana ýaqyt qaldy. Bul kúnderi Qazaqstannyń qaı qalasyna barmańyz, bárinde de adamdar kóterińki kóńil-kúımen, merekedegideı qarsy alady.
Bul týraly búgin QR Parlamenti Májilisiniń depýtaty Elena Tarasenko aıtty.
Onyń aıtýynsha, elimizdiń Azııa qurylyǵynyń bas jarysyn ótkizý qurmetine ıe bolýy - Táýelsizdiktiń, Elbasy Nursultan Nazarbaevtyń salıqaly saıasatynyń arqasy. «Búgin Oral qalasynda Azııa oıyndary alaýyn alyp júrý saltanatyn kórip, erekshe sezimge bólendim. Shyn mánisinde Aq Jaıyq tórinde Azıada alaýy alǵash ret laýlap otyr. Bul bolashaqta olımpıada alaýyna bastasyn deıik. Al aldaǵy Azııa oıyndarynda sportshylarymyzdyń bárine tek jeńis tileımiz. Qazaq eliniń namysyn abyroımen qorǵap, Ánuranyn oryndatyp jatsa, odan artyq baqyt ta joq», - dedi E.Tarasenko.
