Biz aımaqtaǵy energetıka rynogynda kóshbasshylyq ustanymdy ıelený úshin aldymyzǵa úlken mindetter qoıamyz - Qyrǵyzstan prezıdenti Q.Bakıev
BІShKEK. Jeltoqsannyń 22-si. QazAqparat /Evgenıı Novıkov/ - Biz aımaqtaǵy energetıka rynogynda kóshbasshylyq ustanymdy ıelený úshin aldymyzǵa úlken mindetter qoıamyz.
Bul jóninde Qyrǵyz Respýblıkasynyń prezıdenti Qurmanbek Bakıev Qambarata GES-2-degi iri jarylysty júrgizý boıynsha is-sharalar kezinde málimdedi, dep habarlaıdy Qyrǵyzstan prezıdentiniń baspasóz qyzmeti.
Prezıdent memlekettiń osy aýqymdy jobany qarjylandyrý boıynsha barlyq mindettemelerdi oryndaǵanyn atady. «Qambarata GES-2-niń Qyrǵyzstan ekonomıkasyn damytý úshin strategııalyq máni bar. Óz ýaqytynda tipti KSRO sııaqty alyp memlekettiń ózi qarjylyq qarajattyń jetispeýinen qurylysty toqtatýǵa májbúr bolǵan edi. Qambarata GES-2-niń mindetti túrde salynatynyna eshkim shek keltirmeıdi dep oılaımyn», - dedi Q.Bakıev.
