Biz Astanaǵa tek jeńis úshin keldik - «Vılıarreal» bapkeri
ASTANA. QazAqparat - "Vılıarreal" komandasy Astanadan úsh upaımen qaıtýǵa nıetti. Bul týraly búgin Astana Arena stadıonynda ótken baspasóz máslıhatynda "Vılıarreal" klýbynyń bas bapkeri Marselıno Garsııa Toral málim etti.
"Biz úshin bul matchtyń mańyzdylyǵy óte joǵary. Match óte aýyr ótetini sózsiz. Erteńgi oıynda komandamyz abyroıly nátıjege qol jetkizýge nıetti", - dedi ol.
Bas bapker qazaqstandyq fýtbol jaıynda kóp eshteńe bilmeıtinin jetkizdi. Onyń aıtýynsha, ol bul elde eshqashan bolamaǵan.
"Astana" fýtbolshylarynda biraz basymdylyq bar. Óıtkeni Qazaqstan chempıonatynyń qyzǵan shaǵy - fýtbolshylardyń qýaty asyp-tasqan naǵyz yńǵaıly shaq. Sondyqtan, menińshe, "Astanalyqtar" erteń joǵary sapada oıyn órnegin kórsetedi", - dedi ol.
Degenmen Marselıno Garsııa Toral Qazaqstannan tek jeńispen qaıtatynyna senimdi ekendigin atap ótti.
"Astana" - myqty komanda. Alaıda biz bul oıynnan tek jeńis kútemiz", - dep túıdi sózin bas bapker.
