Biz ashyq túrde jynystyq qatynasty túsindiretin mýltfılmderdi balalarǵa kórsetýge ruqsat bermeımiz - vıtse-mınıstr
ALMATY. Aqpannyń 26-sy. QazAqparat /Názıra Eleýhan/ - Biz ashyq túrde jynystyq qatynasty túsindiretin mýltfılmderdi kórsetýge ruqsat bermeımiz. Bul týraly QazAqparat tilshisine bergen suhbatynda QR Bilim jáne ǵylym mınıstrliginiń vıtse-mınıstri Mahmetqalı Sarybekov aıtty,
dep habarlaıdy QazAqparat.
Esterińizge sala keteıik, osydan 2 kún buryn Almaty telearnasynda keshki jańalyqtardan osyndaı mýltfılmder paıda bolǵandyǵy jaıynda sıýjet kórsetildi. Onda Anna Qudııarova bastaǵan psıhologtar mýltfılmderin dáripteý úshin kóktemde arnaıy áleýmettik saýalnama júrgizbek, sodan soń jekemenshik mektepterde 500 balaǵa osy eser ertegilerin kórsetý arqyly, naýryz aıynan bastap tájirıbeden ótkizetini aıtylǵan edi.
"Bizde qazir, jeke menshik uıymdar osyndaı usynystar tastap jatyr degen málimetter bar. Ondaı móltek fılmderdi bala-baqshada, ne bolmasa jeke menshik mektepterde kórsetýge bolmaıdy. Erte jastan balalardyń kózin ashý kerek degen saıasatqa qarsymyn. Biz olardyń jumystaryn tekseremiz. Muqııat baqylaýǵa alamyz. Biz ondaı fılmderdi kórsetýge tyıym salamyz", dedi QR BǴM-niń vıtse-mınıstri Mahmetqalı Sarybekov.
