«Biz asa qaýipti jaǵdaıdyń shetinde turmyz» - BUU Bas hatshysy álem elderiniń basshylaryna úndeý jasady

NUR-SULTAN. QazAqparat - BUU Bas hatshysy Antonıý Gýterrısh COVID-19 pandemııasy túsinbeıtin jaǵdaılardy odan ári ýshyqtyryp jatqanyn aıtty, dep habarlaıdy QazAqparat BUU jańalyqtar qyzmeti saıtyna silteme jasap.

Antonıý Gýterrıshtiń sózine qaraǵanda, jahandyq qarjy júıesindegi jaǵdaı adamzattyń kópshiligine áser etýde. Turaqty damý maqsattarynyń oryndalýyna nuqsan keltiretin teńsizdik kúsheıip keledi. Janýarlar men ósimdikterdiń kóptegen túrleri burynǵydan da jyldam joıylýda. Klımattyń ózgerýimen kúresý úshin qabyldanǵan sharalar apattyń aldyn alý úshin tym baıaý. Biz jańa tehnologııalardy emes, olar bizdi basqarýdy jalǵastyrýda. Memleketter arasyndaǵy shıelenis kúsheıip keledi.

«Biz aýa qaýipti jaǵdaıdyń shetinde turmyz, biraq keri qadam jasaý bizdiń qolymyzda. Durys sheshim qabyldaýǵa áli de kesh emes... Biraq bizge bir mınýtty da bosqa ótkizýge bolmaıdy», - dep atap ótti BUU Bas hatshysy.
Antonıý Gýterrısh dúnıejúzindegi adamdardyń ál-aýqaty, planetamyzdyń densaýlyǵy jáne bolashaq urpaqtyń aman qalýy - birigýge jáne máselelerdi ujymdyq maqsatta sheshýge umtylýǵa baılanysty dep sanaıdy.