Biz ana tilimizde ǵylymı áleýettiń bar ekendigin dáleldeýge tıispiz - D.Qamzabekuly
ASTANA. Aqpannyń 10-y. QazAqparat /Arman Asqarov/ - Búgin Lev Gýmılev atyndaǵy Eýrazııa ulttyq ýnıversıtetinde «Oqýlyq pen oqý quraldaryn ázirleý jáne jarııalaý: Eýrazııa ulttyq ýnıversıtetiniń tájirıbesi» taqyrybynda ǵylymı-ádistemelik konferentsııa ótti,
dep habarlaıdy QazAqparat.
Konferentsııa barysynda san alýan ǵylym salalary boıynsha oqýlyq ázirleý, onyń ishinde qazaq tilindegi elektrondyq oqýlyqtaryn daıyndaý máselesi talqylandy. «Bizdiń búgingi eń basty mindet - qazaq tiliniń ǵylym tili bolatyndyǵyn dáleldeý. Ony kezinde Alash zııalylary dáleldep ketken. Endi, osy úrdisti saqtap, ary qaraı damytý qajet. Áıtpese, tildiń múmkindigin shektep qoısaq, taǵy biraz jylǵa qalyp qoıamyz. Sondyqtan memlekettik tildegi oqýlyqtardy shyǵarý arqyly biz tildi damytyp qana qoımaı, ana tilindegi ǵylymı áleýettiń bar ekendigin dáleldeýimiz qajet», - deıdi ýnıversıtettiń strategııalyq damý jónindegi prorektory D.Qamzabekuly.
