Biz «Almas qylyshtyń» jalǵasy bolatyn keıbir epızodtardy túsirip qoıdyq - Rústem Ábdirash
ASTANA. QazAqparat - Rejısser árbir bólimdi «Kóshpendiler» emes, «Qazaq handyǵy» degen sózben bastaýdyń negizgi sebebin de ashyp berdi, dep habarlaıdy QazAqparat tilshisi.
«Árıne, halyq qoldap jatsa, ekinshi bólimdi de túsirýge bolady. Ony mınıstrlik te, úkimet te qoldaıdy dep oılaımyn. Endi, eń qıyny basy ǵoı. Basyn bastadyq, jalǵasyn da túsirýgebolady. Fılmniń shyǵarmashylyq ujymy daıyn. Kelesi maýsymnyń úsh-tórt epızodtaryn túsirip te tastaǵanbyz. Ony «Almas qylyshty» jasaǵanda birjola jasap qoıdyq. Endi, qarjy máselesi sheshilse, jumysqa kirisýge bolady», - dedi Ábdirash QazAqparat tilshisine bergen suhbatynda.
Rejısserdiń aıtýynsha, jazýshy Іlııas Esenberlınniń «Kóshpendiler» trılogııasy negizinde túsirilgen alǵashqy bólimniń ataýyn «Qazaq hadyǵy» sózinen bastaýdyń ózindik máni bar. Odan keıingi kınonusqalar da osy sózben bastalatyn bolady. «Óıtkeni «Qazaq handyǵy» degen túsinikti halyqtyń sanasyna sińire berý kerek. Sebebi qazirgi Qazaqstan memlekettiliginiń túp tamyry sol Qazaq handyǵynda jatyr. Sovet ókimet kezinde onyń maǵynasyn tómendetip, halyqtyń sanasynan múldem óshirip tastaýǵa tyrysqan. Qazaq handyǵy degen kezde bir úreımen aıtamyz da. Ony aýyz toltyryp, qoryqpaı aıtý qajet», - dep atap kórsetti rejısser.
Aıta keteıik, Іlııas Esenberlınniń «Kóshpendiler» trılogııasy úsh bólimnen turady. «Almas qylysh» romanynda HV -HVІ ǵasyrlarda Qazaq handyǵynyń qurylýy, Ábilqaıyr, Jánibek, Kereı handardyń taq úshin talasy, qazaq rýlarynyń birigý ıdeıasy sýrettelse, «Jantalas» romanynda HVІІ-HVІІІ ǵasyrlardaǵy Qazaqstannyń shetel basqynshylarymen kúresi jáne Ábilqaıyr hannyń Qazaqstannyń Batys bóligi men Reseı patshalyǵy qol astyna kirýi sıpattalady. Qalmaq handyǵynyń qazaq eline jasaǵan shapqynshylyǵy, Alakól mańaıynda, Ordabasy óńirinde bolǵan qyrǵyn urystar, Reseı patshalyǵynyń qol astyna kirgen Ábilqaıyrdyń túpki armandarynyń jeke basyndaǵy túńilisteri týraly jazylǵan.
Al «Qahar» atty úshinshi romanda HVІІІ ǵasyrda Abylaı han bastaǵan qazaq halqynyń qalmaq basqynshylaryn birjolata talqan etýi, Abylaıdyń qazaq elin derbes Qazaq handyǵyna biriktirý áreketteri jáne Abylaıhan men onyń batyrlarynyń el táýelsizdigi úshin kúrestegi erlik, danalyq isteri baıandalady. Abylaı hannyń qazaq elin biriktirý jolyndaǵy jantalasy baıandalady.
