Biz álemdik energetıkalyq naryqtaǵy kez kelgen ózgeriske daıyn bolýymyz kerek - Á.Isekeshev
ASTANA. 16 qańtar. QazAqparat - Biz álemdik energetıkalyq naryqta oryn alýy múmkin kez kelgen ózgeriske daıyn bolýymyz kerek. Búgin «KAZENERGY» qaýymdastyǵy keńesiniń 15-shi otyrysynda QR Premer-Mınıstriniń orynbasary - Indýstrııa jáne jańa tehnologııalar mınıstri Áset Isekeshev osylaı dedi.
«Álemdik energetıkalyq naryq óte jyldam ózgeriske ushyraıdy jáne munyń barlyǵy da Qazaqstanda baıyppen qaıta qaraýdy talap etedi. Óıtkeni bizde bul salalarǵa kóbi táýeldi. Biz oryn alýy múmkin barlyq ózgeristerge daıyn bolýǵa tıistimiz», - dedi ol. Sonymen qatar Á.Isekeshev búgingi tańda Qazaqstanda ekonomıkalyq damý baǵytynda zor jumystar atqarylyp jatqandyǵyn, onyń qatarynda el ónerkásibi damýynyń basymdyqty baǵyttaryn aıqyndaıtyn, 2015-2019 jyldar keńezine arnalǵan ındýstrııalandyrýdyń ekinshi besjyldyǵy baǵdarlamasynyń ázirlený ústinde ekendigin basa aıtty.
