Biz adam quqyǵyn qorǵaıtyn halyqaralyq uıymdarmen jumys isteýge daıynbyz - Kósherbaev

NUR-SULTAN. QazAqparat - 2016-2018 jyldar aralyǵynda Qoǵamdyq keńes 13 myńnan astam jobany qaraǵan. Bul týraly QR Memlekettik hatshysy Qyrymbek Kósherbaev aıtty, dep habarlaıdy QazAqparat tilshisi.

Elordada QR Prezıdenti janyndaǵy Adam quqyqtary jónindegi komıssııanyń Halyqaralyq adam quqyǵy kúnine arnalǵan dóńgelek ústel ótti.

«Qazaqstan 28 jyldyq táýelsizdiginde halyqaralyq qatynastarda eleýli jetistikterge jetti. Elimiz BUU-nyń, Eýropadaǵy qaýipsizdik jáne yntymaqtastyq uıymynyń, Islam yntymaqtastyǵy jáne basqa da halyqaralyq uıymdardyń beldi múshesi», - dedi QR Memlekettik hatshysy Qyrymbek Kósherbaev.

Ol Qazaqstanda adam quqyqtaryn qorǵaý máselesiniń onyń halyqaralyq mindettemeleri turǵysynan ózekti ekenin aıtty.

«Quqyq qorǵaý mehanızmderin jetildirý salasynda memlekettiń azamattyq qoǵam ınstıtýttarymen ózara syndardy dıalogyn damytýdyń mańyzy zor. 2016-2018 jj aralyǵynda Qoǵamdyq keńes 13 myńnan astam jobany qarap, myńǵa jýyq qoǵamdyq tyńdaý uıymdastyrǵan. Biz adam quqyǵyn qorǵaýǵa qatysty barlyq halyqaralyq uıymdarmen birige jumys isteýge daıynbyz», - deıdi ol.