Biz adal jolmen jeńiske jettik - Ilıa Ilın
«Dostarymnyń da, áriptesterimniń de birde-bireýi men týraly jaman aıtqan emes. Biz pomostta ne bolyp jatqanyn bilemiz. Biz oıdaǵydaı jumys atqaryp, adal jeńiske jettik. Jigitter meni qurmetteıdi, baǵalaıdy. Bárimiz qońyraý shalyp, bir-birimizben sóılesip turamyz», - deıdi sportshy Astanada ótken baspasóz máslıhatynda.
Sonymen qatar, sportshy burynǵy jattyqtyrýshysy Alekseı Nımen qarym-qatynasy qandaı ekenin aıtyp berdi.
«Biz Alekseı Nımen eski tanys retinde sóılesemiz. Burynnan tanyspyz. Ol Qazaqstannyń aýyr atletıkasy úshin kóp eńbek etti. Aýyr atletıkany qıyn kezeńde kótere bildi. Alekseı Nıdiń meniń jaǵdaıym týraly «sporttyq mansabyn» jalǵastyrýy kerek» degenin estidim. Ol úshin rahmet. Men ósip kele jatqanda menedjerim retinde jumys júrgizdi», - deıdi Ilıa Ilın.
Eske sala ketsek, Halyqaralyq olımpıada komıteti qazaqstandyq aýyr atlet Ilıa Ilınniń Beıjińdegi jáne Londondaǵy altyn medaldaryn aıyrý týraly sheshim shyǵarǵan bolatyn. HOK-tyńtártip komıssııasynyń sheshimine sáıkes «A» jáne «V» dopıng synamasynyń qorytyndysy boıynsha eki jazǵy Olımıada oıyndarynda chempıon atanǵan qazaqstandyq sportshy Ilıa Ilınniń buǵan deıingi kórsetkishteri joıylǵan edi.
