Biz «A» korpýsyna ótken memlekettik qyzmetkerlerdiń bilimin jetildiretin bolamyz - Á.Báımenov
ASTANA. 5 qyrkúıek. QazAqparat - Bıyl «A» korpýsyna ótken memlekettik qyzmetkerlerdiń bilimin ary qaraı jetildirý kózdelgen. Bul týraly búgin memlekettik qyzmetti jetildirý jónindegi Sarapshylar keńesiniń kezekti otyrysynda QR Memlekettik qyzmet isteri agenttiginiń tóraǵasy Álıhan Báımenov málim etti.
Ol úshin qyrkúıek-qazan aılarynda «A» korpýsyna kirgen memlekettik qyzmetkerler úshin alǵashqy semınarlar uıymdastyrylatyn bolady. «Biz tıisti memlekettik qyzmetkerlerdi iriktep aldyq. Endi olardyń bilimin jetildire túsý kerek. Osy maqsatta agenttik (QR Memlekettik qyzmet isteri agenttigi - avt.) arnaıy oqytý baǵdarlamalaryn daıarlap, kásibi joǵary sheteldik sarapshylardy tartyp otyr. Bolashaqta biz testileý júıesin de jetildiretin bolamyz. Onda memlekettik qyzmetkerlerdiń jeke qabilet-qarymyna negizgi basymdyq berilmek», - deıdi Á.Báımenov.
