Bıısk qalasynda er adam «ushyp kele jatqan» avtobýstardan aman qutyldy
ASTANA. QazAqparat - Reseıdegi Bıısk qalasynda jaıaý júrginshi «ushyp kele jatqan» avtobýstardan aman qaldy. Oqıǵa 23 naýryzda, sársenbi kúni Lenın kóshesinde oryn aldy.
Qala ákimshiliginiń kólik jáne baılanys bóliminiń basshysy Dmıtrıı Bryzgalovtyń aıtýynsha, bir avtobýs jaıaý júrginshini qaǵyp ketpes úshin kúrt burylyp, baǵanaǵa soǵyldy. Syrǵyǵan PAZık basqa avtobýsty soqty.
Kýágerlerdiń sózi boıynsha, PAZıkterdiń biri toqtap, jaıaý júrginshiler jolynda qartty ótkizý úshin toqtaǵan. Al ekinshisi ony baıqamaǵan, nemese jyldamdyqty azaıtýǵa úlgermegen. Ol jaıaý júrginshini janaı ótip ketti. Saldarynan avtobýstardyń úsh jolaýshysy japa shekti.
Jaıaý júrginshiniń aman qalýy vıdeokameralarǵa túsip qalǵan. Kadrlardan er adamnyń sońǵy sátte avtobýstan aman qutylǵanyn kórýge bolady.
