Bıylǵydaı astyqtyń jaqsy shyǵymdylyǵy ótken ǵasyrdyń 50-shi jyldarynan beri qaıtalanǵan joq- QR Aýyl sharýashylyǵy mınıstri
ASTANA. 19 qyrkúıek. QazAqparat /Rýslan Ǵabbasov/ - Bıylǵydaı astyqtyń jaqsy shyǵymdylyǵy ótken ǵasyrdyń 50-shi jyldarynan beri qaıtalanǵan joq. Bul týraly búgin Parlament Májilisinde Aýyl sharýashylyǵy mınıstri Asyljan Mamytbekov málim etti.
«Bıylǵy astyq shyǵymdylyǵy jaqsy dep baǵalaýǵa bolady. Qazir respýblıka boıynsha ortasha astyq shyǵymdylyǵy gektarynan 16 tsentnerdi qurap otyr. Bizdiń júrgizgen taldaý boıynsha 50-shi jyldan beri osyndaı astyq shyǵymdylyǵy Qazaqstanda bolǵan joq»,-dedi mınıstr.
Onyń paıymdaýynsha, bul turǵyda qosymsha problemalar týyndaýy múmkin. Birinshisi, ol egin oraǵyna baılanysty. Atap aıtqanda astyq shyǵymdylyǵynyń joǵary bolýynan egin oraǵy kezinde qazirgi zamanǵy kombaıyndardyń ózi egistikterdi tómen jyldamdyqta oryp jatyr. Sonymen qatar astyqty toktardan elevatorlarǵa tasymaldaý turǵysynda da keıbir máseleler bar.
