Bıylǵy jylytý maýsymynda birqatar jylý qazandyqtary gazben isteıdi - Altaı Kólginov

NUR-SULTAN. QazAqparat - Nur-Sultannyń ákimi Altaı Kólginov qaladaǵy jylý qazandyqtary qashan gazǵa kóshiriletinin aıtty, dep habarlaıdy QazAqparat.

«Jylý qazandyqtaryn gazǵa kóshirý - kúrdeli, biraq qajet jumys. Qazandyqtar búkil qalany jylytatyn bolǵandyqtan, olardy birtindep gazǵa kóshirý ekologııalyq ahýaldy aı̆tarlyqtaı̆ jaqsartady. Búgin JEO-2 qazandyǵyn gazǵa kóshirý jumystarynyń barysymen tanystym. Gaz jetkizý qubyryn tartý, gaz qorǵanys júı̆esiniń, qazandyqtarǵa ottyqtardy bekitý jumystary aıaqtalypty. Osy jylý maýsymynda JEO-1, JEO-2 ortalyqtarynyń keı̆bir qazandyqtary gazben jumys isteı̆di. Olardyń artyqshylyǵy - gazben de, mazýtpen de, kómirmen de jumys isteı̆ beredi» dep jazdy ákim Instagram paraqshasynda.

Budan basqa, turǵyn úı̆ alaptaryndaǵy ishki gaz jelilerin júrgizý jumystary jalǵasýda.

«Elordany gazdandyrý — Elbasymyzdyń tarıhı jobasy. Memleket basshysy da gaz júrgizý máselesin jiti qadaǵalap otyr» deıdi Altaı Kólginov.