Bıylǵy jyly órtten kelgen shyǵyn 1,5 mlrd. teńgeden asty
ASTANA. QazAqparat - 2014 jyldyń ótken kezeńinde elimizde 7256 órt tirkeldi. Búgin Astanada ótken brıfıngte QR TJM Órtke qarsy qyzmet komıteti Memlekettik órt baqylaý jáne anyqtaý basqarmasynyń basshysy Meırambek Qaısanov osylaı málim etti.
«2014 jyldyń ótken kezeńinde elimizde 7256 órt tirkelip, keltirilgen materıaldyq shyǵyn 1 mlrd. 549 mln. teńgeni qurady. 2013 jylmen salystyrǵanda órttiń sany 18 paıyzǵa ósip, bul rette materıaldyq shyǵyn 18 paıyzǵa, adamdardyń ólim-jitimi 23 paıyzǵa tómendedi. Sonymen qatar órt kezinde jaraqat alǵandar sany 19 paıyzǵa artty»,-dedi ol.
M. Qaısanovtyń sózine qaraǵanda, órt qaýipti kezeń bastalǵan sátten beri orman qory aýmaǵynda 250 órt shyǵyp, 2013 jyldyń osy kezeńimen salystyrǵanda órttiń 2,3 ese artqany baıqaldy (2013 jyly - 108 órt). Sonymen qatar,tilsiz jaý sharpyǵan aýmaq 23 paıyzǵa tómendep, 1223 gektardy qurady. 2014 jyly keltirilgen shyǵyn somasy 20 mln, 634 myń teńgege jetti.
