Bıylǵy jyly Nur-Sultanda 150 jol salynady
NUR-SULTAN. QazAqparat - 2020 jyly Nur-Sultanda jalpy uzyndyǵy 100 shaqyrymnan asatyn 150 jol salynady, dep habarlaıdy QazAqparat qala ákimdigine silteme jasap.
«Nur-Sultanda jol jumystary qarqyndy júrip jatyr. Bıyl jalpy uzyndyǵy 100 shaqyrymdy quraıtyn 150 kóshe jóndelip, keıbiri jańadan salynady. Onyń 100 kóshesi eldi mekenderge tıesili. Elordanyń 50 magıstraldy kóshesindegi qurylys pen jóndeý jumystary bıyl kólik aǵynyn jeńildetip, jol júrý úshin qolaıly jaǵdaı jasaýǵa múmkindik beredi. Áleýmettik nysandar men turǵyn úı keshenderine aparatyn joldar eskeriledi», - dep jazylǵan ákimdiktiń Facebook -tegi paraqshasynda.
2020 jyly eldi mekenderde 60 shaqyrymdy quraıtyn 100 kóshe jóndelip, keıbiri jańadan salynady.
«Jumyspen qamtýdyń jol kartasy» baǵdarlamasy aıasynda jol jumystaryna 1,5 adam qatysyp jatyr. Al jalpy 15 myń jańa jumys orny ashyldy. Turǵyndar jumyspen qamtý ortalyqtary arqyly jumysqa ornalasa alady.
