Bıylǵy jyly memlekettik syılyq alatyn shyǵarmalar halqymyzdyń rýhanı órkendeýiniń shynaıy kórinisi bolýy shart - Qanat Saýdabaev
aýsymnyń 3-i. QazAqparat /Erbol Azanbek/ - Bıylǵy táýelsizdiktiń 20 jyldyǵy qarsańynda beriletin memlekettik syılyqtar Qazaqstannyń rýhanı qazynasynyń jaýharyna aınalǵan shyǵarmalar bolýy shart.
QR Memlekettik hatshysy-Syrtqy ister mınıstri Qanat Saýdabaev búgin Almatyda Ádebıet pen óner salasyndaǵy 2010 jylǵa arnalǵan memlekettik syılyqtar berý jónindegi komıssııasynyń alǵashqy otyrysy barysynda osylaı aıtty, dep habarlaıdy QazAqparat.
«Memlekettik syılyqtar Prezıdent Nursultan Nazarbaevtyń Jarlyǵymen taǵaıyndalady. Bul osy syılyqtyń dárejesi men joǵary talabyn arttyryp qana qoımaıdy, sonymen qatar usynylǵan shyǵarmalarǵa degen talapty kúsheıtedi. Jalpy komıssııa músheleriniń jaýapkershiligin arttyrady. Bıylǵy jyly memlekettik syılyq alatyn shyǵarmalar Tuńǵysh Prezıdentimiz Nursultan Nazarbaevtyń kemeńger basshylyǵymen júzege asyp kele jatqan halqymyzdyń rýhanı órkendeýiniń shynaıy kórinisi bolyp tabylatyn, rýhanı baı shyǵarmalar bolýy kerek. Bul shyǵarmalar Qazaqstan Respýblıkasynyń rýhanı qazynasynyń asyl baılyǵyna aınalyp, al olardyń avtorlary otandyq mádenıettiń tarıhyna altyn áriptermen jazylýy tıis», dedi Qanat Saýdabaev.
