Bıylǵy jyly Qazaqstannyń jalpy ishki ónimi 1,1 paıyzdy quraıdy - QR Statıstıka agenttiginiń boljamy
ASTANA. Aqpannyń 4-i. QazAqparat /Jasulan Amanbaıuly/ - Bıylǵy jyly Qazaqstannyń jalpy ishki ónimi 1,1 paıyzdy quraıdy dep josparlap otyrmyz. Bul týraly búgin QR Statıstıka agenttiginiń tóraǵasy Álıhan Smaılov aptalyq brıfıng barysynda málim etti,
dep habarlaıdy QazAqparat.
«Byltyr jalpy óndirilgen ónim 101 paıyzdy qurady. JІÓ-niń deńgeıine qatysty tolyq aqparat statıstıkalyq jumystardyń qorytyndysyn shyǵarǵan kezde, aqpannyń 16-sy kúni belgili bolady. Biz JІÓ-niń 1,1 paıyz ósimi bolady dep josparlap otyrmyz», dedi A. Smaılov.
Onyń atap kórsetkenindeı, byltyrǵy jyldyń JІÓ-niń 1 paıyzǵa deıin ósim kórsetýine birqatar salalardyń qarqyndy damýy áser etken. Máselen, aldyńǵy jylǵa qaraǵanda, byltyr aýyl sharýashylyǵy 13,8 paıyzǵa, ónerkásip óndirisiniń kólemi 1,7 paıyzǵa ósken. Sonymen qatar ǵylym jáne bilim, densaýlyq saqtaý, memlekettik basqarý, qyzmet kórsetý, baılanys syndy salalardyń kórsetkishteri joǵarylaǵan.
