Bıylǵy jyly Qazaqstanda elektr energııasyn óndirý saǵatyna 78 mıllıard 700 mıllıon Kvatt-qa jetedi
ALMATY. Qarashanyń 3-i. QazAqparat /Erbol Azanbek/ - Bıylǵy jyly Qazaqstanda elektr energııasyn óndirý saǵatyna 78 mıllıard 700 mıllıon Kvatt-qa jetedi. Al paıdalaný 77 mıllıard 800 mıllıon kV saǵatty quraıdy.
QR Energetıka jáne mıneraldyq resýrstar vıtse-mınıstri Dúısenbaı Turǵanov búgin Almatyda «Power Kazakhstan 2009» energetıkter forýmynyń ashylýynda osyndaı boljam aıtty, dep habarlaıdy QazAqparat.
«Bul bizde oń baǵytty saldo bar ekenin kórsetedi. Bunymen qatar elektr energııasynyń ımport-eksportynyń da oń baǵytty saldosy bar. Bıylǵy jyly eksport 1 mıllıard 800 mıllıon kV saǵatqa jetedi. Bul bizdiń júıe qurýshy 2 jelisti iske qosqanymyzdyń nátıjesinde múmkin bolyp otyr. Bunymen qatar biz Reseı elektr energııasynyń ımportynan qutyldyq» dedi vıtse-mınıstr.
«Saıan-Shýsha JES-indegi apat Reseıge eksportty ulǵaıtýǵa múmkindik berdi. Qazirgi tańda biz Reseıge saǵatyna 300 MV elektr energııasyn berip otyrmyz. Import pen eksporttyń bul qarqyny kelesi jyly da saqtalady», dedi D.Turǵanov. Ol bıylǵy jyly daǵdarysqa baılanysty elektr energııasyn paıdalaný azdap tómendegenin atap ótti.
