Bıylǵy jyly ІJÓ ósimi 0,1 paıyz deńgeıinde bolady - Ekonomıka jáne bıýdjettik josparlaý mınıstri
ASTANA. Jeltoqsannyń 7-si. QazAqparat /Rýslan Ǵabbasov/ - Aǵymdaǵy jyly ІJÓ-niń ósimi 0,1 paıyz deńgeıine jetkizilmek. Bul týraly búgin Úkimette bolǵan selektorlyq keńeste Ekonomıka jáne bıýdjettik josparlaý mınıstri Baqyt Sultanov málim etti,
dep habarlaıdy QazAqparat.
Onyń aıtýynsha, mınıstrlik jergilikti ortalyq organdarymen birlese josparlanǵan ósimge jetýdiń parametrlerine taldaý jasap, qarastyrǵan. Ondaǵy baǵalaý ındıkatory 0,1 paıyzǵa jetti. «Bıylǵy jylǵy 11 aıdyń taldaýy men nátıjeleri bul parametrler naqty oryndalatynyn kórsetip otyr. Sonymen birge bólek salalarda osy kórsetkish artyǵymen oryndalýy múmkin», dedi mınıstr.
B. Sultanovtyń sózine qaraǵanda, joǵaryda josparlanǵan paramerlerde óńdeýshi ónerkásiptegi kórsetkishter qalyptastyryldy. Onyń ishinde munaı ónimderi óndirisin 3,5 paıyzǵa, rezeńke jáne plastmassalyq buıymdar óndirisin 10,5 paıyzǵa arttyrý esebinen qaralǵan.
«Sonymen birge bólek salalarda kórsetkishterdiń tómendeý úrdisi saqtalýda. Budan burynǵy josparlanǵan deńgeıden hımııalyq ónerkásip óndirisi 4,6 paıyzǵa tómendedi. Kólik salasyndaǵy qyzmet kórsetýde biz josparlanǵan kórsetkishterge jetpeı otyrmyz», dedi mınıstr.
Sóz sońynda ol ekonomıkada oń úrdis baıqalyp otyrǵanyn, sondaı-aq jyl qorytyndysy boıynsha josparlanǵan kórsetkishter oryndalatynyn aıtyp ótti.
