Bıylǵy jyly ІJÓ-di 7 paıyzdyq ósim deńgeıinde qamtamasyz etýge údetilgen ındýstrııaldyq-ınnovatsııalyq baǵdarlama aıasyndaǵy nysandardyń iske asyrylýy múmkindik beredi

Bul týraly búgin Úkimet otyrysynan keıin Ekonomıkalyq damý jáne saýda mınıstri Janar Aıtjanova málim etti, dep habarlaıdy QazAqparat.

Osy oraıda mınıstr Іshki jalpy ónimniń ósimi negizgi eksporttyq taýarlardyń álemdik baǵasyna baılanysty ekenin jáne bul baǵytta oń úrdister baıqalyp otyrǵandyǵyn jetkizdi. «Shildeniń 1-ine qaraı Údetilgen ındýstrııaldyq-ınnovatsııalyq memlekettik baǵdarlamasy aıasynda 70 joba iske qosylady. Bul óz kezeginde ekonomıkaǵa, ІJÓ-ge óz yqpalyn jasaıtyn bolady»,-dedi J. Aıtjanova.

Aıta keteıik, Úkimet otyrysynda Premer-Mınıstr Kárim Másimov bul baǵytta tıisti sharalardy atqarýdy júktegen edi. «Biz 2009 jyldy táp-táýir nátıjelermen aıaqtadyq. Endigi jańa mindet - oń nátıjeler azdyq etedi, biz ekonomıkada qol jetkizilgen turaqty ósimdi qamtamasyz etýimiz qajet. Turaqty ósim - 7 paıyz. Osy tsıfrdyń tóńireginde jumys istep, qosymsha rezervterdi taýyp, jumyldyrýymyz kerek», dedi Premer-Mınıstr.