Bıylǵy jyly iri qara eti baǵasynyń ósýi Almaty jáne Shyǵys Qazaqstan oblystaryndaǵy jaǵdaıǵa baılanysty
ASTANA. Mamyrdyń 11-i. QazAqparat /Rýslan Ǵabbasov/ - Bıyl iri qara mal eti 8 paıyzǵa qymbattady.
Bul týraly búgin Úkimet otyrysynda Ekonomıkalyq damý jáne saýda mınıstri Janar Aıtjanova málim etti, dep habarlaıdy QazAqparat.
2010 jyldyń qańtar-sáýirinde et jáne et ónimderiniń baǵasy 5,5 paıyzǵa qymbattaǵan. Onyń ishinde iri qara eti 8 paıyzǵa joǵarylaǵan.
«Qus etinen basqa ettiń barlyq túrlerimen elimiz ózin-ózi qamtamasyz etip otyr. Іri qara etiniń 30 paıyzy Almaty jáne Shyǵys Qazaqstan oblystarynda óndiriledi. Al bul óńirlerde qystyń qatty bolýyna, sondaı-aq tótenshe jaǵdaılarǵa baılanysty mal sharýashylyǵyna yqpal etti. Atap aıtqanda bul faktorlar iri qara etiniń baǵasynyń ósýine áser etti»,- dedi mınıstr.
J. Aıtjanovanyń sózine qaraǵanda, elimizde qus etin ishki tutyný kóleminiń 70 paıyzy ımportqa táýeldi. «Biz 30 paıyzyn ózimiz óndiremiz. Qalǵanyn negizinen AQSh-tan tasymaldaımyz»,- dedi mınıstr.
