Bıylǵy jyly elimizdiń 5 oblysynda jańa týǵan nárestelerge hırýrgııalyq kómek kórsetetin bólimsheler ashylady

Bul týraly búgin Ana men bala ortylyǵynda neonataldy hırýrgııany damytý máselesine baılanysty ótken baspasóz-máslıhatynda «Ulttyq medıtsınalyq holdıng» aktsıonerlik qoǵamy Basqarma tóraǵasynyń orynbasary Tamara Voşenkova málim etti.

 Onyń aıtýynsha, elimizdiń Densaýlyq saqtaý mınıstrligi «Salamatty Qazaqstan» memlekettik baǵdarlamasyn júzege asyrý sharalarynyń aıasynda memleketimizde neonataldy hırýrgııany damytýdyń 3 jylǵa arnalǵan «jol kartasy» jasaldy. Atalmysh karta boıynsha atqarylýy tıis ister 2011 jyly Astana men Almaty qalalarynda úılestirý ortalyqtary ashylǵan ýaqyttan bastaldy. «Ana men bala ulttyq ǵylym ortalyǵy» bazasynda neonataldy hırýrgııany damytýǵa baǵyttalǵan úılestirý ortalyqtary respýblıkalyq deńgeıde qyzmet kórsetetin mekeme bolyp tabylady. Respýblıkalyq úılestirý ortalyqtarynyń basty maqsaty - jańa týǵan nárestelerge hırýrgııalyq kómek kórsetýdiń tıimdi úlgisin qalyptastyrý bolyp tabylady. Ortalyq balalar óliminiń ekinshi sebebi bolyp tabylatyn týa bitken aqaýlardyń saldarynan mert bolatyn náresteler sanyn azaıtý bolyp tabylady. Nárestelerge hırýrgııalyq kómek kórsetetin bólimsheler aldaǵy 3 jylda elimizdiń barlyq oblystarynda qyzmet ete bastaıdy.