Bıylǵy jyly elektrondy bılet alýshylar sany jeti esege artty-QR QTJ
ASTANA. 27 tamyz. QazAqparat - Qazaqstan Respýblıkasy «Jolaýshylar tasymaly» AQ («Qazaqstan temir joly» UK» AQ enshiles kásiporny) jol júrý qujattarymen alypsatarlyq jasaýshylarmen keshendi túrde birneshe baǵytta úzdiksiz kúres júrgizip keledi.
QTJ málimetterine qaraǵanda, Іri vokzaldardyń bılet kassalaryna jedel monıtorıngilik baqylaý júrgiziledi. Servıstik qyzmet kórsetýdiń kásibı etıkasy men ar ujdan kodeksi bekitildi.
Bılet satýdyń elektrondy júıesi engizildi. Qazirdiń ózinde 12 iri jáne oblys vokzaldarynda elektrondy bılet satýdyń tranzaktsııalyq termınaly ornatyldy. 2012 jyldan bastap «Tulpar» Astana-Almaty baǵdaryndaǵy poıyzda jolaýshylardy elektrondy tirkeý júrgizile bastady. Bul qosymsha tórt poıyzda engiziledi. Atap aıtqanda, bıylǵy jyly elektrondy bılet alýshylar sany bes júz myń adamǵa jetti. Bul ótken jylǵa qaraǵanda jeti ese joǵary kórsetkish.
Qoǵam quqyq qorǵaý oryndarymen birge júıeli jumys jasap keledi. Kóliktegi ishki ister mınıstrligimen birlesip keshendi sharalar atqarýda. Qoǵamdyq tártipti qamtamasyz etýmen qatar jolaýshylar tasymalynyń jaıy únemi baqylaýda ustalynady. Onyń ishinde bıletti alyp satýshylarmen kúres jumysy jalǵasyp keledi.
2012 jyldyń 7 aıynda «Jolaýshylar tasymaly» AQ qyzmetkerleri temir jol vokzaldary mańynda reıdter uıymdastyryp, sonyń nátıjesinde 139 adamǵa 59 akt jasaldy. Qazirgi kezde bılet satýmen aınalysatyn 111 adam týraly málimet ishki ister organdaryna jiberildi.
«Bıletterdi zańsyz satýdy uıymdastyrǵandardy ustaǵan «Jolaýshylar tasymaly» AQ qyzmetkerleriniń alypsatarlardy resimdeýge jáne tutqyndaýǵa quzyrly quqyǵy joq bolyp shyqty. Osyǵan baılanysty qoǵam ákimshilik jáne eńbek kodeksine ákimshilik sharalardy kúsheıtý jóninde usynys túsirdi. Bılet satýshylardyń zańsyz áreketin boldyrmaý úshin 1000 AEK kóleminde aıyppul salýǵa, jaýapty qyzmetkerlerdi (bılet kassırleri men poıyz brıgadalaryna) tártiptik jaýapkershilikke shaqyrýǵa qala berdi bıletsiz jolaýshylardy alyp júrgen jolseriktermen bir jaqty eńbek shartyn buzý kózdeledi. Jolaýshyny bıletsiz mingizgen poıyz brıgadasyna 7 AEK-ten elý AEK-ke deıingi kólemde aıyppul salý sonymen qatar jolaýshyǵa da ákimshilik shara qoldanylatyn bolady»,-delingen bul málimetterde.
BAQ jarııalanǵan Qaraǵandy stantsııasynyń vokzalyndaǵy bılet kassasyndaǵy bolǵan oqıǵa boıynsha qyzmettik tekseris júrgizildi. Óz mindetine salaq qaraǵan kassırmen kelisim shart úzilip, jumystan shyǵaryldy.
