Bıylǵy jyly ekonomıkanyń josparlanǵan 6 paıyzdyq ósimine qol jetkizýge negiz bar - E. Dosaev
ASTANA. 11 qazan. QazAqparat - Qyzmet kórsetý jáne aýyl sharýashylyǵyndaǵy joǵary qarqyndy ósimdi eskere otyryp, bıylǵy jyly ekonomıkanyń josparlanǵan 6 paıyzdyq ósimine qol jetkizýge negiz bar. Bul týraly búgin Aqordada Elbasy Nursultan Nazarbaevtyń tóraǵalyǵymen ótip jatqan Qazaqstannyń áleýmettik-ekonomıkalyq damýyna arnalǵan keńeste QR Ekonomıka jáne bıýdjettik josparlaý mınıstri Erbolat Dosaev málim etti.
Mınıstrdiń sózine qaraǵanda, qaıta óńdeý ónerkásibindegi ósimniń tómen qarqyny metallýrgııalyq ónerkásip óndirisi kóleminiń 5,1 paıyzǵa tómendeýine baılanysty. Onyń úlesi salada 36,4 paıyzdan asyp otyr. Munyń ishinde 9 aıda qara metallýrgııanyń óndirisi 14 paıyzǵa qysqardy.
Osy oraıda ol jyl sońyna deıin atalǵan óndiris kólemi taǵy da tómendeýi múmkin ekendigin eskerip ótti. Bul problema ınvestıtsııanyń jetispeýshiliginen jáne onyń teńdeı bólinbeýine baılanysty bolyp otyr. Máselen, barlyq ınvestıtsııanyń 32 paıyzy taý-ken óndirý ónerkásibine tıesili. Sonymen qatar óńdeý ónerkásibiniń úlesi tek ǵana 11,3 paıyzdy alyp otyr.
«Ekonomıkanyń ósimin qamtamasyz etý turǵysynda mınıstrlik makroekonomıkalyq turaqtylyqty, ekonomıkalyq jáne iskerlik belsendilikti, eńbek ónimdiligin qoldaý boıynsha sharalarǵa negizdeledi», - dep túıdi E. Dosaev.
