Bıylǵy jyly da «temir tulpar» áýesqoılary festıvalde bas qosty
LMATY. Shildeniń 19-y. QazAqparat /Názıra Eleýhan/ - Demalys kúnderi jańa "Balqash-Nursaıa" týrıstik ortalyǵynda 4-shi dástúrli baıkerler festıvali bolyp ótti, dep habarlaıdy QazAqparat.
"Balqash-Nursaıa" týrıstik ortalyǵy men "FEST.KZ" jáne "BIKE.KZ" kompanııalarynyń uıymdastyrýymen ótken sharaǵa 5 myńdaı baıker qatysty.
Prıozer qalasynda motosherýmen ashylǵan festıval, dástúrli baıkerler baıqaýymen jalǵasty. Festıvaldiń ekinshi kúni motobáıge chempıonaty bolyp ótti. Onda kásipqoı mototsıkl sheberleri temir tulparlarynda óz ónerlerin kórsetti. Festıvaldiń kórkin atalmysh sharaǵa arnaıy qatysqan baıkerlerdiń súıikti rok toptary asha tústi.
«BIKE.KZ» qazaqstandyq baıkerler qozǵalysy qoǵamdyq birlestiginiń prezıdenti Dmıtrıı Petrýhınniń aıtýynsha, festıval oıy men kózqarastary bir erkindikti súıetin adamdardy jınaıdy. "Árbir naǵyz baıker óz ómirin temir tulparynsyz elestete almaıdy. Ol mototsıklmen birge dúnıege kelip, ómirlik serigi retinde eshqashan aıyrylmaıdy. Ol "ıdeıaly" baıker jáne naǵyz eliniń patrıoty. Bastaǵan isin jerge qaldyrmaıtyn baıkerler maqsatyna jetpeı qoımaıdy. Olar aldaǵy ýaqytta 2011 jyly elimizde ótetin Azııa oıyndaryna arnalǵan motosherýdi jalǵastyrý úshin jolǵa shyǵady", dedi.
Dástúrge aınalǵan shara ot shashýmen aıaqtaldy.
