Bıylǵy jyly Astananyń jalpy óńirlik ónimi 7 paıyzǵa ósti
ASTANA. 27 jeltoqsan. QazAqparat - Bıylǵy jyly Astananyń jalpy óńirlik ónimi 7 paıyzǵa joǵarylady.
Bul týraly búgin QR Prezıdenti janyndaǵy Ortalyq kommýnıkatsııalar qyzmetindegi baspasóz máslıhatynda elordanyń ákimi Imanǵalı Tasmaǵambetov málim etti.
«2013 jyl boıynsha qalamyzdyń jalpy ishki ónimi 7 paıyzǵa ósip, 2 trln. 700 mlrd. teńgeden asady dep kútýdemiz. Ónerkásip ónimi 230 mlrd. teńgeni quraıdy. Ortasha jalaqy mólsheri 165 myń teńge bolady. Bul ótken jylmen salystyrǵanda 15 paıyzǵa artyq»,-dedi ákim.
Onyń sózine qaraǵanda, bıyl shaǵyn jáne orta kásipkerlikti qoldaýdyń nátıjesinde olardyń óndiretin óniminiń kólemi alǵash ret 1 trln. 100 mlrd. teńgege jetti.
