Bıylǵy jyly Astana qalasy boıynsha 6 myń jer telimin berý josparlanyp otyr

Bul týraly búgin BNews.kz portalynda ótken ınternet-konferentsııa barysynda Jer resýrstaryn basqarý agenttigi tóraǵasynyń orynbasary Qanalbek Raıymbekov málim etti, dep habarlaıdy QazAqparat.

Onyń aıtýynsha, bıylǵy jylǵy naýryz aıynyń 1-indegi málimetter boıynsha Astana qalasy boıynsha jer alý úshin kezekte 76 myń 558 azamat tur. «Jer telimderin qalalyq ákimdik qalanyń Bas jobasyna sáıkes úlestiretin bolady. Al kezek retin qadaǵalaýdy biz de, quqyq qorǵaý organdary da júzege asyryp jatyrmyz. Bul - óte kúrdeli másele. Sondyqtan men qalada kezekten tys bireýge jer berledi dep oılamaımyn», dedi agenttik tóraǵasynyń orynbasary turǵyndardyń saýaldaryna jaýap bere kele.

Onyń sózine qaraǵanda, agenttik ókilderi jer telimderine alam deýshilerdiń tizimin 2007 jyldan beri júrgizip keledi. «Jalpy 2005 jyldan beri elde 2 myń 276 jer telimderi berildi», dedi Q.Raıymbekov.