Bıylǵy jyly Almatyda 24 000 aǵash otyrǵyzylady - Gúljazıra Qajıaqparqyzy
ALMATY. Sáýirdiń 15-i. QazAqparat /Názıra Eleýhan/ - 2010 jylǵy is-jobalar josparyna sáıkes, bıylǵy jyly Almaty qalasynda 24 000 aǵash otyrǵyzylatyn bolady.
Bul týraly búgin Almatyda ashylǵan dástúrli «Gúlder. Landshaft. Úı irgesindegi sharýashylyq - 2010» atty halyqaralyq gúlder kórmesiniń ashylý saltanatynda Tabıǵı resýrstar basqarmasynyń bas mamany Gúljazıra Qajıaqparqyzy málim etti, dep habarlaıdy QazAqparat.
Onyń aıtýynsha, atalmysh is-sharanyń eki jarym myńdaıy bıýdjet qarjysyna, jıyrma bir myń jarymy ótemdik aǵash otyrǵyzý esebinen júrgiziletin bolady. «Sondaı-aq, biz osy jyly 100 000 sharshy metr jerge kógaldandyrý jumystaryn júrgizemiz, ótken jyly biz 60 000 sharshy metr jerge gúl ekken bolatynbyz», dedi Gúljazıra Qajıaqparqyzy.
