Bıylǵy jyly 536 talapker Nazarbaev Ýnıversıtetiniń daıyndyq baǵdarlamasyna tústi
ASTANA. 12 tamyz. QazAqparat - 2013 jyly 536 talapker Nazarbaev Ýnıversıtetiniń Ýnıversıtet aldyndaǵy baǵdarlamasynyń tyńdaýshylary bolady. Bul úmitkerler Nazarbaev Ýnıversıtetine oqýǵa qabyldaý emtıhandarynyń barlyǵyn oıdaǵydaı tapsyrdy, dep habarlaıdy JOO-nyń baspasóz qyzmetinen.
Bıylǵy jyly talapkerlerdiń daıyndyq deńgeıi óte joǵary bolǵandyǵy baıqaldy. Osylaısha qabyldaý emtıhandaryn eń tómengi oqýǵa túsý talaptaryna saı tapsyrǵan talapkerlerdiń sany 800 adamdy qurady. Salystyrý úshin: ótken jyly mundaı talapkerlerdiń sany kóbirek bolǵan - 600, bıyl 500-den sál ǵana astam.
«2013-2014 oqý jylynda bilim alý úshin Ýnıversıtet aldyndaǵy daıyndyq baǵdarlamasyna (Foundation) irikteý úderisi talapkerler men olardyń ata-analarynyń Nazarbaev Ýnıversıtetiniń akademııalyq baǵdarlamalaryna degen qyzyǵýshylyqtarynyń artýyn jáne talapkerlerdiń beıindi pánder men aǵylshyn tili boıynsha bilim deńgeıleriniń joǵary ekenin kórsetti. Qabyldaý komıssııasy óte qarqyndy jumys istedi jáne árbir úmitkerdiń qabyldaý emtıhandary nátıjeleriniń oqýǵa qabyldaý úshin sáıkestigin muqııat tekserdi. «Biz Ýnıversıtetimizdiń tanymaldyǵy, sondaı-aq bizdiń talapkerlerimizdiń bilim deńgeıleri jyldan jylǵa arta beretin bolady dep úmittenemiz», - deıdi Nazarbaev Ýnıversıteti Qabyldaý jónindegi departamentiniń dırektory Dınara Ashyqbaeva.
Ótken jyldardaǵydaı, oqýǵa túsýshiler arasynda eń tanymal bolyp tabylatyndar Injenerııa mektebi jáne Ǵylym jáne tehnologııalar mektebi: bul Mektepterde oqýǵa qabyldanǵandardyń 43%-y oqıtyn bolady, talapkerlerdiń qalǵan 14%-y Gýmanıtarlyq jáne áleýmettik ǵylymdar mektebindegi mamandyqtardy tańdady.
Oqýǵa qabyldanǵan úmitkerlerdiń kóp bóligi Astanadan, Almatydan jáne Shyǵys Qazaqstan oblysynan. Eń az bolyp kóringender Mańǵystaý jáne Soltústik Qazaqstan oblystarynan. Er balalar bıylǵy jyly qyzdarǵa qaraǵanda kóbirek, tıisinshe 54% jáne 46%.
Osylaısha, tórtinshi oqý jyly Nazarbaev Ýnıversıteti stýdentteriniń sany 2100-den astamdy quraıdy. Osy bilim ordasynda Foundation, bakalavrıat, magıstratýra jáne doktorantýra baǵdarlamalary boıynsha 250 oqytýshy men professorlar bilim beredi.
