Bıylǵy jylǵy naýryz aıynan bastap dárigerlerdiń jalaqysy dıfferentsıaldy júıe boıynsha tólene bastady - Densaýlyq saqtaý mınıstrligi
ASTANA. Maýsymnyń 22-si. QazAqparat /Gúlmıra Álıakparova/ - Biryńǵaı ulttyq densaýlyq saqtaý júıesi (BUDJ) aıasynda aǵymdaǵy jylǵy naýryz aıynyń 1-inen bastap dárigerlerdiń jalaqysy dıfferentsıaldy júıe boıynsha tólene bastady.
Bul týraly búgin ótken brıfıngte QR Densaýlyq saqtaý mınıstrligi Medıtsınalyq qyzmetke aqy tóleý komıteti tóraǵasynyń orynbasary Nazarbek Beısen málim etti.
Dıfferentsıaldy júıe boıynsha eńbekaqy - dárigerdiń istegen eńbeginiń kólemine qaraı tólenedi. N.Beısen atap kórsetkendeı, qazir medıtsınalyq mekemeler sharýashylyq júrgizý quqyǵyna aýystyrylyp jatqandyqtan, aq halattylardyń tapqan tabysyn bas dáriger óziniń qaraýy boıynsha, sol mekemede jumys isteıtin baqylaý keńesimen aqyldasa otyryp úlestiretin bolady.
BUDJ-nyń jumysyn jetildirý maqsatynda naýryz aıynan bastap, sondaı-aq joǵary sapaly medıtsınalyq qyzmetterdi kórsetetin mekemelerdiń (Respýblıkalyq ortalyqtar men ınstıtýttar, oblystyq jáne qalalyq aýrýhanalar) tarıfteri - 70 paıyzǵa, statsıonarlyq kómek - 39 paıyzǵa, qyzmetkerlerdiń jalaqysy - 25 paıyzǵa jáne kommýnaldyq tólemder - 20 paıyzǵa deıin kóbeıtildi.
«Sonymen qatar, eger buǵan deıin joǵary sapaly medıtsınalyq qyzmetter qalalyq jáne oblystyq ortalyqtarda jasalmaı kelse, endi óńirlik deńgeıdegi 61 mekememen kelisimsharttar jasalyp, olarda qazir kúrdeli operatsııalar jasalýda», - dedi ol.
Aıta keteıik, Baǵdarlama bastalmas buryn 1375 medıtsınalyq uıym akkredıtatsııadan ótti. Ótken jyldyń jeltoqsanynda olardyń 838-imen kelisimsharttar jasalyp (onyń ishinde 103-i - jekemenshik uıymdar), 2010 jylǵy qańtar aıynyń 1-inen bastap olarǵa avans retinde 20,8 mıllırd teńge qarajat bólindi.
