Bıylǵy jylǵy FAO basshysy saılaýyna birden-bir úmitker qazirgi bas dırektory daýysqa túsedi
ASTANA. QazAqparat - BUU-nyń Azyq-túlik jáne aýyl sharýashylyǵy uıymynyń (FAO) qazirgi Bas dırektory Joze Gratsıaný da Sılva bıylǵy jylǵy Uıym basshysy qyzmetine saılaýda birden-bir úmitker bolyp daýysqa túsedi, dep habarlady atalǵan halyqaralyq uıymnyń baspasóz qyzmeti.
Úmitkerlerdi usynýdyń sońǵy merzimi 31 qańtarda aıaqtaldy, FAO múshe-elderinen Brazılııa úkimetinen Joze Gratsıaný da Sılvany ekinshi merzimge qaıta saılaý jóninde bir ǵana ótinim tústi.
Bas dırektor laýazymyna tórt jylǵa saılaý 2015 jylǵy 6 maýsymda Uıymnyń joǵarǵy basshy organy - FAO 39-shy konferentsııasynda (6-13 maýsym) ótedi. Árbir el munda bir daýysqa ıe, daýys berý jabyq-jasyryn ótedi. Saılaý nátıjesi qarapaıym kópshilik daýyspen bekitiledi.
Gratsıaný da Sılva alǵashqy merzimge 2011 jyly maýsymda saılanǵan bolatyn. FAO Bas dırektory qatarynan eki merzimge ǵana saılana alady.
