Bıylǵy jylǵy 3,5 aıda 8 tehnıkalyq baıqaý ortalyǵy tirkelimnen shyǵaryldy - QR KKM
ASTANA. 17 sáýir. QazAqparat - QR Kólik jáne kommýnıkatsııa mınıstrliginiń Kóliktik baqylaý komıtetiniń (QR KKM KBK) aqparatyna qaraǵanda,
2013 jyldyń basynan beri avtokólikterdi tehnıkalyq baıqaýdan ótkizý erejelerin buzǵany úshin tehnıkalyq baıqaýdy ótkizetin 44 operatorǵa aıyppul salynǵan, al 8 tehnıkalyq baıqaý ortalyǵy (TBO) tirkelimnen shyǵaryldy.
2012 jyly osyndaı sebepterge baılanysty tehnıkalyq baıqaý jónindegi 70 operatorǵa ákimshilik aıyppul salynyp, 9 TBO tirkelimnen shyǵarylǵan bolatyn.
Kóliktik baqylaý komıteti tóraǵasynyń orynbasary Áset Asanbaevtyń aıtýyna qaraǵanda, 1 shildege deıin tehnıkalyq baıqaý jónindegi 33 operatordy tekserý kózdeýde.
Tehnıkalyq baqylaýdy ótkizý týraly erejege sáıkes tártip buzýshylyq qaıtalanýy anyqtalǵan jaǵdaıda Tehnıkalyq baıqaý ortalyǵy tirkeliminen shyǵarylady da mundaı qyzmet kórsetý quqyǵynan aıyrylady.
Eske sala ketsek, qazirgi ýaqytta elimizde 337 tehnıkalyq baıqaý ortalyǵy (686 jeli) jumys jasaıdy.
