Bıylǵy jyldyń jarty jyldyǵynda elimizdiń eksporty ótken jylmen salystyrǵanda 74,1 paıyzǵa artty
ASTANA. Shildeniń 12-i. QazAqparat /Aıdar Ospanalıev/ - 2010 jyldyń maýsym aıyndaǵy kórsetkishter boıynsha tutynýshylar baǵasynyń ındeksi 2009 jyldyń sáıkes merzimimen salystyrǵanda 104,4 paıyzdy qurady. Azyq-túlik taýarlaryna degen baǵa 5,6 paıyzǵa, azyq-túlikke jatpaıtyn baǵalar 2,7 paıyzǵa ósti. Al aqyly qyzmetter 4,6 paıyzǵa artty.
Statıstıka agenttiginiń tóraǵasy Álıhan Smaıylovtyń derekterine qaraǵanda, ónerkásip ónimderin óndiretin kásiporyn taýarlarynyń baǵasy bıyl ótken jylǵydan 2,5 paıyzǵa kóp boldy. «Qazaqstannyń syrtqy saýda aınalymy bıylǵy jyldyń qańtar-maýsym aılary aralyǵynda 34475,6 mıllıon teńgege jetip, ósim ótken jyldyń sáıkes merzimimen salystyrǵanda 39,8 paıyzdy qurady. Sondaı-aq eksport 74,1 paıyzǵa artyp, ımport 4,5 paıyzǵa qysqardy», dedi agenttik tóraǵasy.
