Bıylǵy jyldyń úshinshi toqsanynda aılyq jalaqy 147 988 teńgeni qurady
ASTANA. QazAqparat - 2017 jylǵy úshinshi toqsanda bir qyzmetkerdiń ortasha aılyq jalaqysy 147 988 teńgeni qurady. Jalaqy ındeksi ótken jylǵy tıisti toqsanyna 104,8%, al naqty jalaqy ındeksi 98,0% qurady, dep habarlaıdy QR Ulttyq ekonomıka mınıstrligi, Stastıtıka komıtetiniń baspasóz qyzmeti.
Salalyq qurylymda eń úlken jalaqy qarjy jáne saqtandyrý qyzmetinde - 272,8 myń teńge (ortasha respýblıkalyq deńgeıden 1,8 esege asty), kásibı, ǵylymı jáne tehnıkalyq qyzmette - 271,1 myń teńge (1,8 esege asty), aqparat jáne baılanys salasynda - 215,7 myń teńge (1,5 esege asty), ónerkásip salasynda - 208,5 myń teńge (1,4 esege asty), qurylys salasynda - 205,9 myń teńge (1,4 esege asty) bolyp belgilendi. Eń tómengi jalaqy bilim berý qyzmetkerlerinde - 90,4 myń teńge, bul respýblıka boıynsha orta kórsetkishten 38,9%-ǵa tómen.
Óńirlik bóliniste eń joǵarǵy jalaqy Atyraý oblysynda tirkeldi - 275,9 myń teńge, bul ortasha respýblıkalyq kórsetkishten shamamen 1,9 esege asady. Jambyl oblysynda munyń shamasy 98,1 myń teńgeni qurady, bul el boıynsha ortasha deńgeıden 33,7%-ǵa tómen.
